MANILA, March 8 (PIA) -- Ang giingong deklarasyon sa Marso 11, 2024 nga usa ka nationwide regular holiday usa  ka “fake news,” matud pa sa Malacañang.

Sa Facebook post, ang Official Gazette of the Republic of the Philippines mitawag sa dokumento nga mikatap sa social media nga nagdeklarar sa pagsaulog sa Eid’l Fitr nga “spurious.”

“ATTENTION: The circulating document labeled ‘Proclamation No. 729’, which purportedly declares Monday, March 11, 2024, as a nationwide regular holiday in celebration of Eid’l Fitr, is spurious," matud pa sa post.

(Ang circulating document nga gimarkahan og 'Proclamation No. 729', nga giingong nagdeklara sa Lunes, Marso 11, 2024, isip usa ka nationwide regular holiday sa pagsaulog sa Eid'l Fitr, usa ka bakak.) 

Gipasabot sa Palasyo nga ang maong dokumento usa ka “tampered version of Proclamation No. 729, s. 2019”, nga gi-isyu ni kanhi Executive Secretary Medialdea sa miaging administrasyon.

Ang Eid al-Fitr o ang "Festival of Breaking the Fast" usa ka Islamic festival nga nagtimaan sa pagtapos sa buwan sa puasa sa Ramadan.

Ang Palasyo wala pa modeklarar og holiday alang sa Eid’l Fitr. (ECB/PIA7-Bohol)