SYUDAD SANG ILOILO (PIA6) – Ginhingyo sang komander sang 301st Infantry “Bayanihan” Brigade (IB) ang mga myembro sang New People’s Army (NPA) nga magbalik sa sabak sang gobyerno kag ikonsidera ang malinong nga pamaagi sang pakibagbato sang ila mga kawsa.

Ini ang ginpahayag ni Brigadier General Michael Samson matapos ang nagluntad nga encounter sa tunga sang mga rebelde kag katapo sang 61st Infantry Battalion sa San Joaquin, Iloilo sang damlag lang.

sustainable environment that is conducive for the development. We are the army, we are with the people,” siling ni Samson.

Apang ginklaro man sang komander nga hindi sila magpangduwa-duwa nga maggamit sang pwersa sa tion nga maging bayolente man ang mga rebelde bangud parte sang ila mandato nga pamatukan ang NPAs kag dulaon ang insurhensiya sa komunidad.

"We are with the government, we offer all our efforts to welcome them in the mainstream society, but if they insist on fighting, then we will also use force. This is also to protect the lives of our soldiers," pahayag sini.

Kung matandaan, tatlo ka mga rebelde humalin sa Southern Front sang NPA Komiteng Rehiyon-Panay ang napatay sa engkwentro sa banwa sang San Joaquin, kung sa diin nakuha man sang mga suldado ang lima ka mga armas, commercial radio kag siyam ka backpacks. (AAL/JNH/PIA Iloilo)