Dugang pa ni Eusores, ang pagrehistro kang negosyo ukon business registration nagatugro kang ligal nga pagkilala, oportunidad para makabaton kang pautang kag investments sa pagpasanyog kang negosyo, kag access sa partnerships kag linkages sa mas bahul nga merkado.

Pira pa sa mga bentaha kang pagrehistro kang negosyo amo ang pagbaton kang suporta halin sa gobyerno paagi sa financial assistance, training programs, kag government contracts, kag ang pagbaskog kang consumer confidence sa negosyo bangud ang business registration nagapabutyag kang accountability kag pag-obserbar kang ethical standards.

Pagkatapos kang pagrehistro sa nagakaangay nga ahensya kang gobyerno, kinahanglan iproseso kang mga negosyante ang andang business permit sa lokal nga pangulohan paagi sa Business Permit and Licensing Office (BPLO) kag magrehistro man sa Bureau of Internal Revenue (BIR).

Gin-athag ni Eusores nga tanan nga negosyo, may physical store man ukon online, kinahanglan nga magrehistro para ligal nga makahiwat kang andang operasyon. (AGP/BPS/PIA Antique)