SYUDAD SANG ILOILO -- Nagkalain lain nga mga aktibidad ang ginapatigayon sang gobyerno probinsyal kaangot sa pagsaulog sang Women’s Month.

Suno kay Roxanne Baluya-Octaviano sang Gender and Development (GAD) Council sang gobyerno probinsyal, ginakabig ang ini nga kahiwatan bilang kahigayonan nga mapabugal ang ikasarang sang mga babaye kag pagkilala sang ila nga mga kinamatarong.

“Kadamo sang mga kababainhan nga medyo indi naton sila makita on the top of our history. Gani sa ini nga selebrasyon, this is an opportunity nga mapabugal naton nga ang mga kababainhan may kakayahan man,” pahayag ni Octaviano.

Nalakip sa mga hilikuton amo ang Tiendas Ilonggas (Marso 4-8) kun sa diin ginpakigbahinan ini sang  mga kababainhan nga nga micro, small, and medium entrepreneurs, Kalipunan ng Liping Pilipina (KALIPI), kag mga benepisyaryo sang Sustainable Livelihood Program (SLP) sang Department of Social Welfare and Development (DSWD) 6.  

“Importante nga mapasalamatan naton ang mga kababainhan sa tanan nga bulig nila sa kasiwanwa, the overall development of the province and country. Gusto naton nga hatagan sng emphasis ang papel kag sitwasyon (sang mga babaye), the role of women on the development of the province,” mensahe ni Defensor angot sa kahiwatan.

Ang selebrasyon sang kababainhan sa bulan sang Marso may yara sang tema nga, "Lipunang Patas sa Bagong Pilipinas: Kakayahan ng Kababaihan, Patutunayan!". (AAL/LMLE/PIA Iloilo)