SYUDAD SANG ILOILO (PIA) -- Kapin sa P220B nga balor sang mga investment deal ang nakuha ni Presidente Ferdinand R. Marcos Jr. nagikan sa walo ka nagkalain-lain nga tipo sang kasugtanan sa tion sang iya tatlo ka adlaw nga working visit sa Germany.

Nahimo ang investment deal sa tion sang Philippine-Germany Business forum sa Berlin nga gin-organisa sang Department of Trade and Industry (DTI) sang Martes.

Sa walo ka mga kasugtanan, tatlo ang letters of intent (LOI) humalin sa magkatuhay nga mga kumpaniya sa Germany, duha ka memoranda of agreement kag tatlo ka memoranda of understanding (MOU).

sa Germany pinaagi sa Public Private Partnership sa pagpaayo,

pagreclaim kag pagrecultivate sang mga degraded farm lands sa Pilipinas. Ang ikaduha nga MOA nagatuyo nga pasangkaron ang potensyal nga kolaborasyon sa mobility solutions, software services, manufacturing, factory automation, logistics services, enerhiya, seguridad kag mga safety systems para sa mga building, consumer appliances kag healthcare.

Tatlo man ka mga memoranda of understanding (MOUs) ang ginlagdaan sa tion sang pagbisita ni President Marcos sa Germany kalakip ang pagpundar sang fully integrated solar cell manufacturing facility.

Isa pa ka MOU amo ang investment sa manufacturing facility nga magabaylo sa mga salakyan padulong sa high-end 1 of 1 version kag mga armour protected car subong man paghimo sang mga military grade armoured personnel carrier para sa merkado sa Asya. Ang naulihi nga MOU amo ang pagtukod sang mga data centre nga magatagbalay sang digital insurance platform nga magasertbe sa rehiyon sang Pilipinas kag ASEAN bilang mayor nga expansion sang grupo sa gwa sang European Union.

Si Presidente Marcos amo ang nahauna nga presidente sang Pilipinas nga naghambal sa mga  German business leader sa 10 ka tuig. Sa tion sang iya pagpamulong-pulong, gin-agda sini ang mga German business leader nga mamuhunan sa Pilipinas sa diin niya ginhinambit ang institutional kag structural nga mga pagbag-o sa pagpatuman sang ease of doing business. (AAL/LAF/PIA6-Iloilo/ PND)