Ayon sa mag-aaral na si John Dave A. Mago, grade-11 ng Capalonga Institute Inc., malaking tulong ang kanyang natutunan kung ano ang kahalagahan ng mga kaalaman na magagamit lalo na sa mga nangangailangan kapag may trahedya ng sunog o insidente sa kanilang lugar. (PIA5/ Camarines Norte)
Naging bahagi din ng pagtuturo ang pagbibigay ng kaalaman sa pagsasalba sa mga pasyenteng nalunod, nakuryente at naka ranas ng cardiac arrest sa pamamagitan ng Cardiopulmonary Resuscitation (CPR) gamit ang compression. Wala itong mouth to mouth resuscitation.
Binigyang kaalaman din ang mga estudyante o "familiarization" sa mga linya ng kuryente na maaring maging sanhi ng sunog, Nagkaroon dn ng ehersisyo sa pag rescue sa mga matataas na lugar o gusali gamit ang lubid, tamang paggamit ng fire extinguisher, bucket relay at pagbebenda sa mga pasyenteng napinsala ang bahagi ng katawan.
Ipinaalala rin ng BFP ang mga safety signages o mga tanda ng panganib sa mga tahanan, pagbibigay ng pangunang lunas, kamalayan sa mga paalala na nasa paligid tulad ng fire exit, fire hydrants, no parking signs at mga flammable liquids o madaling pagmulan ng sunog.
Ang isinasagawang Fire Square Roadshow ng Bureau of Fire Protection (BFP) ay bilang bahagi ng Community Relations Week at pag-obserba sa Fire Prevention Month ngayong buwan ng Marso na may temang “Bumbero sa pamayanan: Kasangga, Kaibigan”. (PIA5/ Camarines Norte)