Suno kay Bautista, harang mga foreign nga mga turista hay masugid gid sa andang pamilya, amigo/amiga, katrabaho ukon mga kababata parte sa Isla it Boracay, ag raya hay daw marketing eon man, ay daw gina-engganyo sanda nga agtunan ro kaayad-ayad nga lugar.
Naghambae man si Malay Municipal Tourism Officer Felix Gregorio Delos Santos nga sanda hay positibo gid nga maabot nanda ro bag-o nga target sa tourist arrivals dahil nakikita eon man nanda ro amat-amat nga pagbangon it isla halin sa nagkasari-sari nga epekto it COVID-19 pandemic.
“Ro mga negosyo hay amat-amat man nga nagabalik sa normal, ag gapakita it senyales it pagrekober ag pag-umwad, nga kung siin raya hay positibo ro daea sa padayon nga pag-uswag it aton nga industriya sa turismo. Basta kita sa gihapon hay padayon nga nagaugyon sa pagsustinir sa kada aspeto, maabot gid naton ro target,” hambae ni Delos Santos.
Target it local government it Malay nga maagum ro 2.3 milyon nga pag-abot it mga turista sa harang dag-on ukon 21 porsyento nga pagtaas sa 2023 tourist arrival nga 2,120,419.
“Euwas sa mga water ag land activities nga pwede i-explore sa isla, ro nightlife, nga may wa it katapusan nga party sa may baybay, ro pinakamanami gid nga atraksyon sa mga turista nga magbisita euman sa Boracay. Eabi makara, ro LGU-Malay hay gapreparar sa pagpakilala euman it buhay eon nga ginahidlawan,