SYUDAD SANG ILOILO -- Nagapatigayon sa karon ang Department of Social Welfare and Development (DSWD) 6 sang profiling sa mga Senior Citizens nga naga-edad 80 pataas kabahin sang preparasyon sang ahensya sa ginlagdaan nga Republic Act 11982 nga nagapasangkad sang Centenarians Law.

Suno kay DSWD-6 Social Pension Section Head Marien Grace Tamonan, nagapakig-angot sila sa mga local government units tuhoy sa profiling.

“May ara kita communication sa LGUs naton that they need to submit sa DSWD sang list of senior citizens sa amo sina nga edad in preparation sa pag-implement sang law,” pahayag ni Tamonan.

Samtang, ang Republic Act 11916 nagahatag man sang dugang nga bulig sang gobyerno sa balor nga P1000 kada bulan agud maka-assist sa matag-adlaw nga galastuhon kag iban pa nga mga medical nga kinahanglanon sang mga indigent senior citizens nga maluya ukon may kasablagan sa ikaayong alwas, wala regular nga income ukon suporta gikan sa pamilya ukon himata.  

Dugang pa, ang SPISC naangot m,an sa obligasyon sang gobyerno nga amligan ang pinaka vulnerable nga sektor pinaagi sa social pension kag pagpatogayon sang RA 9994. (AAL/LMLE/PIA Iloilo)
--