Ginpangunahan ni Margie Gadian, consultant kang Peace and Order & Public Safety (POPS) Office kang gobyerno probinsyal ang pagsinapol nga gintambungan kang mga tiglawas kang Antique Police Provincial Office (AnPPO), Philippine Army (PA), Philippine Air Force (PAF), kag Philippine Coast Guard (PCG).

Dyan man ang mga katapo kang National Intelligence Coordinating Agency (NICA), Department of Education (DepEd), Department of Trade and Industry (DTI), Department of Social Welfare and Development (DSWD), Antique Provincial Health Office (APHO), kag iban pa nga national government agencies (NGA) kag provincial government offices.

Pira sa mga naistoryahan amo ang mga kadarag-an kang PTF-ELCAC kag kang Provincial Peace and Order Council (PPOC) batok sa mga rebelde kag komunista nga grupo, ang pagsolbar 

Dugang pa, sandig sa Proclamation No. 404 ni Presidente Ferdinand Marcos, Jr., makabaton ang mga anay rebelde sa idalom kang Communist Party of the Philippines-NPA-National Democratic Front (CPP-NPA-NDF) kang amnestiya sa mga krimen may kaangtanan sa rebelyon.

Dya nga lihuk, suno sa gobyerno, maka-enganyo sa mga nabilin pa nga katapo kang CPP-NPA-NDF nga magsungka ron, mangabuhi marayo sa gamo, kag makigbahin sa pagpaugwad kang pungsod. 

Bangud man sa pag-abi-abi kag pagtatap nga ginapabatyag sa mga FRs, ginasiguro kang gobyerno ang sinseridad sa pagtapna kang rebelyon kag terorismo padulong sa Bagong Pilipinas nga may pag-intindihanay, kahilwayan, kag kauswagan. (AGP/BPS/PIA Antique)