No. of :

No. of Shares:

Currently viewed by: Marcus Rosit

  1. Home
  2. News
  3. Oplan ProCid Serv magapalig-on sang DRRM kag civil defense services sang probinsya sang Iloilo

Oplan ProCid Serv magapalig-on sang DRRM kag civil defense services sang probinsya sang Iloilo

Write a comment

Delete

SYUDAD SANG ILOILO -- Ang pagpatukod sang Oplan Provincial Civil Defense Service ukon ProCid Serv magapakita sang kompleto kag maayo nga estratehiya para sa disaster risk reduction management kag civil defense services sang probinsya sang Iloilo.

Ini ang ginpresenta ni Provincial Disaster Risk Reduction and Management Office chief Cornelio Salinas sang ginhiwat nga first quarter joint meeting sang  Provincial Peace and Order Council (PPOP) kag Provincial Anti-Drug Abuse Council (PADAC).

EditDelete
Ang mga partisipante gikan sa mga nagkalain lain nga ahensya sang gobyerno, mga LGUs, kag pribado nga sektor nagpamati sang mga updates tuhoy sa pagpatukod sang ProCid Serv. (LMLE)
Delete


Naangot man sini ang pagdihon sang cluster action plans sang probinsya, pagtuga sang emergency frontliners, kag pagtukod sang state-of-the-art operations center.

Para kay Gov. Arthur Defensor Jr., ang ProCid Serv isa ka importante nga approach sang probinsya tuhoy sa preparasyon batok sa natural nga kalamidad kag peligro.

“The best defense against any threat is development – whether it is climate change, Yolanda, drug problem, or insurgency. But we want an urgent approach to development because we are in a hurry,” pahayag ni Defensor.


Delete

Nahibaluan nga pinaagi sa Executive Order 173, series of 2021 ginbalay ang ProCid Serv santo man sa mga layi kaangay sang Republic Act 7160 (Local Government Code of the Philippines of 1991) kag Republic Act 10121 (Philippine Disaster Reduction and Management Act), mga ordinansa sang probinsya, kag mga plano kag programa tuhoy sa DRRM, seguridad sang publiko, disease control and prevention, climate change response, kag environmental crime prevention.

Ginabulyugan man ini sang mga ahensya sang gobyerno, Local Government Units (LGUs), Non- Government Organizations (NGOs), People’s Organizations (POs), kag mga buluthuan. (AAL/LMLE/PIA Iloilo)

About the Author

Liez'l Marie Lamasan-Ejeda

Writer

Region 6

Write to live. Live to write. 

Related News

Feedback / Comment

Get in touch