SYUDAD SANG ILOILO (PIA) -- Ginhiwat sa syudad sang Iloilo ang ika-16 nga edisyon sang Cinema Rehiyon nga amu ginakabig nga mayor nga programa sang National Commission for Culture and the Arts - Committee on Cinema (NCCA-COC).

Ang selebrasyon gintalana sang Marso 19-21 sa University of the Philippines (UP)-Visayas Cinematheque kung sa dii nanari-sari nga mga short film ang ginpakita sa publiko nga naga-serbe representatsyon sang madalum nga imahinasyon sang mga direktor.

Naangut man ang festival sa tema nga "Patubas sang Taliambong, Banwa nga Mahamungyaon", kung sa diin ini parte pa sang selebrasyon sang National Arts Month subong nga tuig.

Nahatagan naman sang kahigayunan ang publiko nga matan-aw ang pelikula nga "The Gospel of the Beast" ni Sheron Dayoc sa pagbukas sang selebrasyon kag ang "Ghosts of Kalantiaw" ni Chuch Estrada bilang panakop nga pelikula.

Magluwas sa mga pelikula, may ara man sang ginhiwat nga mga forums kag book exhibit sa tatlo ka adlaw nga selebrasyon.

Ginpahayag ni De Leon nga ang mga pelikula isa ka pamaagi para mapakita ang mga kamatuuran nga nagakatabo sa komunidad.

"Napakasaya ko talaga matapos mapanuod ang participating films sa ating festival. They are not just reflections of real societal issues. Hindi na ito salamin at pagtakas sa riyalidad. Ang pelikula mismo ang ating riyalidad. These are films that challenge our beliefs, interrogate or politics, though-provoking and timely," pahayag ni De Leon. (AAL/JNH/PIA Iloilo)