CALAPAN CITY, Oriental Mindoro (PIA) -- Sa pinakahuling datos ng Police Regional Office (PRO) Mimaropa, mayroong isang former rebel (FR) ang sumuko sa mga awtoridad sa bayan ng Puerto Galera kamakailan.

Ang pagsuko ni "Ka Ariel", 55 taong gulang, sa mga miyembro ng 404th B Maneuver Company (MC) Regional Mobile Force Battalion (RMFB) sa Barangay Poblacion, Puerto Galera.

Si Ka Ariel ay dating miyembro ng communist terrorist group (CTG) sa ilalim ng SYP, SRMA-GU4, STRPC, at Kilusang Magbubukid ng Pilipinas (KMP). Tangan ni Ka Ariel sa kaniyang pagsuko ang isang unit ng firearm [homemade shotgun], isang magazine, at dalawang piraso ng bala.

Naisakatuparan ang gawain sa pamamagitan ng tulong ng Oriental Mindoro 4th Platoon 1st PMFC, Baco Municipal Police Station, at Provincial Intelligence Unit.

Si Ka Ariel ay nasa ilalim ngayon ng kustodiya ng 404th BMC RMFB para sumailalim sa oryentasyon at enrollment sa Enhanced Comprehensive and Local Integration Program (E-CLIP) (JJGS/PIA MIMAROPA - Oriental Mindoro)

BANNER PHOTO MULA SA PRO MIMAROPA