LUNGSOD NG PUERTO PRINCESA, Palawan (PIA) -- Aabot na sa 34 health facilities sa Palawan ang akreditado ng Philippine Health Insurance Corporation (PhilHealth) bilang mga Konsulta package providers, ayon sa ulat ni Cirilo C. Balmaceda, Division Chief IV ng Field Operations Division sa isinagawang Konsulta Forum nito lamang Abril 11, 2024 sa lungsod ng Puerto Princesa.
Ang mga Konsulta Package Provider na ito ay ang sumusunod:
1. Agutaya Rural Health Unit 2. Araceli Rural Health Unit 3. Araceli-Dumaran District Hospital 4. Municipal Health Office Busuanga 5. Municipal Health Office Aborlan 6. Aborlan Medicare Hospital 7. Northern Palawan Provincial Hospital 8. Sofronio Espanola Municipal Health Office 9. Linapacan Municipal Health Office 10. Southern Palawan Provincial Hospital 11. Municipal Health Office Brooke’s Point 12. San Vicente Rural Health Unit 13. Municipal Health Office Roxas 14. Roxas Medicare Hospital 15. Bataraza Rural Health Unit 16. Bataraza District Hospital 17. Rio Tuba Nickel (RTN) Foundation Inc., Hospital | 18. Municipal Health Office of Coron 19. El Nido Community Hospital 20. Municipal Health Office El Nido 21. Quezon Medicare Hospital 22. Puerto Princesa City Health Office 23. Ospital ng Palawan 24. Narra Municipal Hospital 25. Narra Municipal Health Office 26. Culion Municipal Health and Nutrition Office 27. Culion Sanitarium and General Hospital 28. Taytay Municipal Health Office 29. Rizal Rural Health Unit 30. Dr. Jose Rizal District Hospital 31. Cuyo District Hospital 32. Cuyo Rural Health Unit 33. Rural Health Unit Cagayancillo 34. Rural Health Unit Dumaran |
Ang Konsulta o Konsultasyong Sulit at Tama Package ay ang pinalawak na primary care benefit ng Philhealth ayon na rin sa Republic Act 11223 o ang Universal Health Care Act.
Ang Konsulta package ay libreng ma-a-avail sa lahat ng 34 accredited providers sa buong lalawigan ng Palawan.
Ayon sa Philhealth, umaasa sila na madadagdagan pa ang mga magpapa-accredit na pribadong health facilities upang maging katuwang ng programang ito.
Ang mga pangunahing serbisyo sa ilalim ng package ay konsultasyon, serbisyong pangkalusugan para makaiwas sa sakit, at referral sa mga ospital.
Sakop din ng package na ito ang initial at follow-up primary care consultations, health screening at assessment, piling laboratory o diagnostic services, at piling mga gamot batay sa reseta ng doktor.
Ayon naman kay Donald A. Evangelista, Social Insurance Assistant I, Field Operation Division ng Membership Section ng Philhealth, ang lahat ng mga Pilipinong miyembro at rehistrado sa Philhealth ay maaaring mag-avail ng benepisyong ito.
Kailangan lamang aniya na magparehistro sa accredited na Philhealth Konsulta Facility na napili ng miyembro. Wala rin aniya itong sapilitan sa pagpaparehistro kundi hinihikayat lamang ang bawat Pilipino para rin sa kanilang kapakanan. (OCJ/PIA MIMAROPA - Palawan)
