SYUDAD SANG ILOILO --  Mahimo nga makaangkon sang igsakto nga pagtatap ang mga residente sang Guimaras nga may malubha nga pilas kasunod sa ginbuksan nga Wound Care Clinic sa Dr. Catalino Gallego Nava Provincial Hospital (DCGNPH).

Bilang isa ka outpatient center, ginatanyag sang nasambit nga klinika ang komprehensibo nga wound care nga magasiguro sang pinasahi nga pagbulong kag iban pa nga mga serbisyo pangmedikal sa mga pasyente nga may yara sang komplikado nga pilas ukon non-healing wounds.

Ginpahayag ni DCGNPH OIC Chief of Hospital Dr. Allain Babao nga ang Wound Care Clinic isa ka dugang sa mga serbisyo nga ginatanyag sang institusyon.

"Gusto ko man nga ma-impart ko ang knowledge ko about wound care diri sa Guimaras, that's why I really have that passion to put something in here and of course gin-open ko ina kay Dr. Nava and very enthusiastic gid siya sa idea," pahayag ni Leonida.

Ginpanginbulahan naman ni Governor JC Rahman Nava ang ospital sa bag-o nga milestone nga naangkon. Isa man ini ka lihok agud ma-maximize ang kapasidad sang DCGNPH

"I know nga maghambal government institution daw ka lowly sang panan-awan. Law-ay nga facility, law-ay nga service so, amo ni ang siling naton nga daw, in a way streotyping sang government facility. I hope diri sa Guimaras we can change this and if ever ma-stabilize ta ang ini nga institution naton, we intent to come up with one hospital system that will be incorporating the two other smaller hospitals," mensahe ni Nava. (AAL/LMLE/PIA Iloilo)