SINANDIGAN, Ubay, Bohol (PIA) -- Pakete sa tabang sa panguma, tabang sa panagat ug mga bansay-bansay ang gitunol ngadto sa kinatibuk-an nga mga 1300 ka mga mag-uuma sa Ubay, President Carlos P. Garcia ug Mabini, sa usa ka seremonyas sa Bureau of Fisheries and Aquatic Resources (BFAR) Multi-Species Hatchery, Marso 19, 2024.

Tabang nga gitagana alang sa tulo ka mga kalungsuran nga mingsapupo sa bagyo nga Odette niadtong 2021, agri ug fishery inputs nasukip sa Restoring Livelihood and Enhancing Resilience of Farmers and Fisherfolk affected by Typhoon Odette. 

Tabang sa Pagpahiuli ug Pagpa-enhance pa sa paglahutay sa mga mag-uuma ug mangingisda nga biktima sa bagyong Odette, ang Kagamhanan sa Japan maoy mingbubo og US$ 1,872,911 nga gitagana sa 4,000 ka mga gagmay nga mag-uuma sa lubi, ug mga banay nga nangisda sa Bohol, Southern Leyte ug Surigao del Norte, matud ni Gay Therese Bucol, project Team Leader.

Dinhi sa Bohol, diin may 1,333 ka mga bubong sang benepisaryo, gidawat sa mga kahugpungan ang 1,333 ka pakete nga nagkadaiyang utanon, semilya sab angus alang sa 31 ka mga kahugpungan sa mga mag-uuma apil na ang 28 ka mga tangkal sa isada nga ginama sa kawayan ug tulo ka high-density polyethelene nga tangkal sa isda.

Sa midawat og 300 ka sako nga abono nga Urea (46-0-0) alang sa 300 ka mga bubong, aduna usab silay feeds alang sa 192,915 ka semilya sa bangus nga adto buhi-on sa mga floating nga tangkal sa 31 ka mga kahugpungan.

May mingdaway usab og 300 ka sako nga complete nga abono (14-14-14) alang sa 300 ka mga bubong, may materyales sila alang sa pag-assemble sa pokot sa 8 ka banay nga benepisaryo sa Ubay ug President Carlos P. Garcia. 

May lain pang 1000 ka manok dumaga ngadto sa 6 ka mga kahugpungan sa mag-uuma.

Gawas niini. May bansay pa sila nga mapaabut alang sa pagpabuhi sab angus sulod sa fish cages, mga bansay sa pagpananum og utanon ug pagpamuhi ug pagpasanay sa manok paitlogon.

Gawas pa niining tanan, ang proyekto nga nanghatag nag dugang kasaligan sa panginabuhian, makadawat usaba ng matag lungsod og tag usa ka set sa automatic weather station ug ang pakapin nga bansaybansay aron magamit kini alang sa kalungsuran nga nahisgutan.

Alang sa nasud sa Japan, si First Secretary ug Agriculture Attache Tachikawa Jumpei, samtang si Food and Agriculture representative ug country director Dr. Lionel Dabbadie sa katungod sa United Nations FAO ang personal usab nga mingtunol sa mga agri-fisheries kits.

Kini usab gidawat sa mga mag-=uuma ug mangingisda pinangulohan ni Mayor Constantino Reyes sa Ubay, Fernando Estavilla sa Carlos P Garcia ug ni Exec Secretary to the mayor Ongie Lim nga si Domingo Ayade.

Si Gobernador Erico Aristotle Aumentado girepresentahan ni Executive Assistant for Agriculture Nunila Pinat.

Didto usab alang sa pagduyog sa kalihukan sila Bureau of Fisheries and Aquatic Resources Regional Director Mario Ruinata, Director Wilberto Castilla and Regional Technical Director alang sa Research ug Regulations sa Department of Agriculture, si Regional Director Brendan Trasmonte sa Philippine Coconut Authority 7, si BFAR Assistant Regional Director for Technical Services Isidro Velayo, ug si Jem Flor Ann Imperial Santiago. (RAHC/PIA-7/Bohol)