TAGBILARAN CITY, Bohol (PIA) -- Ang Philippine Information Agency (PIA) niadtong Abril 3, nagsugod sa Visayas leg sa ilang West Philippine Sea strategic communications workshop series.
Ang mga information officers sa PIA gikan sa Rehiyon 6, 7, ug 8 nagtapok sa Sugbo alang sa ikatulong hugna sa workshop series nga gipahigayon sa PIA sa pakigtambayayong sa National Task Force on the West Philippine Sea, National Security Council ug Philippine Coast. Guard.
Ang mga nangaging workshop gihimo sa La Union alang sa mga information officer gikan sa Northern ug Central Luzon ug sa Dapitan City alang sa Mindanao cluster.
Sa iyang pangbukas nga pamulong, si PIA Director-General Jose A. Torres, Jr., niawhag sa mga rehiyonal nga buhatan sa PIA sa paghimo og epektibong mga plano sa komunikasyon nga makapataas sa dugang kahibalo sa padayong paningkamot sa gobyerno sa Pilipinas sa pagsulbad sa isyu sa West Philippine Sea ug pagdasig sa nasyonalismo kung hisgotan ang mga katungod sa soberanya sa nasud sa gi-awayang maritime domain.
“Sana po magtulong-tulong tayong pagisipan magbuo tayo ng communications plan sa bawat probinsya, bawat komunidad, bawat rehiyon, kung paano natin makumbinsi ang mga tao, kasama na ang mga opisyal ng gobyerno na magkaroon ng lakas ng loob na igiit ang ating mensahe,” matud pa ni Torres.
Iyang gi-awhag ang mga government communicators sa pagtrabaho sa pagpatuman sa mga aktibidad nga makapalambo sa pagdayeg sa mga Pilipino sa mga aksyon sa gobyerno sa pagpanalipod ug pag-uswag sa mga katungod sa teritoryo sa nasud sa gi-ilogang maritime territory.
Gipasiugda usab ni Torres ang kamahinungdanon sa pagtabang sa mga Pilipino nga makaamgo nga ang mga kahinguhaan sa West Philippine Sea iya lamang sa katawhang Pilipino.
“Kumbisihin natin silang lahat na makialam sa isyu ng West Philippine Sea. Lahat tayo ay may karapatan na magsalita tungkol sa West Philippine Sea dahil ito ay atin. Ang yaman ng West Philippine Sea ay para sa mga Pilipino. Kaya galingan natin at pagisipan nating mabuti kung paano natin kumbinsihin ang mga kababayan na sumama sa atin at sama-sama nating isigaw na ang yaman ng West Philippine ay para sa mga Pilipino,” si Torres nagkanayon.
Sayo ning tuiga, ang National Task Force on the West Philippine Sea (NTF-WPS) mi-tap sa PIA aron manguna sa pagpahibalo sa saktong impormasyon kabahin sa mga isyu nga naglambigit sa West Philippine Sea sa grassroots level. (ECB/PIA7-Bohol)
