Dugang pa niya, ang proyekto nagsugod sang Marso 21, 2024 kag ang 44 ka mga benepisyaryo ang nagpirma sang letter of agreement (LOA) kaupod ang MENRO para sa tatlo ka tuig nga implementasyon sang proyekto.
Ang 597 ka ektarya nga E-NGP coffee project ang ipahamtang sa lima ka upland barangays sang Tapaz nga ginalakipan sang 317 ka ektarya sa Brgy. Hilwan, 150 ka ektarya sa Brgy. Siya, 50 ka ektarya sa Brgy. Artuz, 50 ka ektarya sa Brgy. Tabon, kag 30 ka ektarya sa Brgy. Buri.
Samtang, gindugang ni Stephen Faeldin nga Public Information Officer sang Tapaz nga ang lima ka mga barangay ang ginpili base sa ila potensyal para sa produksyon sang kape kag sa ila pagkomiter sa "sustainable agriculture practices."
