DAVAO DE ORO (PIA) -- Nagmando si Presidente Ferdinand R. Marcos Jr. nga mogamit og usa ka whole-of-government approach aron masiguro ang kaluwasan sa publiko ug matabangan ang mga mag-uuma nga apektado sa El Niño ug La Niña phenomenon sa nasud.  

Sa 4th Task Force El Niño meeting niadtong Marso 19, gimanduan niya ang Department of Agriculture (DA) sa hugot nga koordinasyon sa Philippine Crop Insurance Corporation aron makaabot ang mga kinahanglang sa mga apektadong mag-uuma.

Ang Bureau of Fire Protection (BFP) gimanduan usab nga makig-alayon sa Department of Health (DOH) aron sutaon ug ipatuman ang mga gikinahanglang lakang aron maseguro ang kaluwasan sa mga pasilidad sa panglawas o tambalanan gikan sa hulga sa peligro sa sunog.  

Sa bahin niini, ang OCD gitahasan nga makig-alayon pag-ayo sa Department of Tourism (DOT) bahin sa epekto sa El Niño phenomenon sa mga lugar nga turista, ilabi na sa pagsulbad sa mga isyu nga may kalabotan sa pagkaanaa sa tubig, kahinguhaan sa enerhiya, panglawas sa publiko ug kahingawa sa kaluwasan. (PND/Translated by JSD/MLU)