MANILA, April 12 (PIA) -- Si Presidente Ferdinand R. Marcos Jr. niisyu sa Administrative Order No. 18, nga nagdili sa mga opisyal ug kawani sa gobyerno sa paggamit sa mga wangwang (siren), blinkers ug uban pang susama nga signaling o flashing device sa tinguha nga mapalambo ang kaayohan sa kinatibuk-ang publiko.
Ang paglagda sa AO gihimo human namatikdan ni Marcos nga kaylap ang dili awtorisado ug walay pili nga paggamit sa mga sirena, blinker ug uban pang susamang signaling o flashing device, hinungdan sa pagkabalda sa trapiko ug dili luwas nga dalan ug palibot sa trapiko.
“All government officials and personnel are hereby prohibited from utilizing sirens, blinkers and other similar gadgets that produce exceptionally loud or startling sound, including dome lights, blinkers, or other similar signaling or flashing devices
Ang tanan nga mga opisyal ug kawani sa gobyerno gidid-an sa paggamit sa mga sirena, blinker ug uban pang parehas nga gadyet nga nagpatunghag labi ka kusog o makapakurat nga tunog, lakip ang mga suga sa dome, blinker, o uban pang parehas nga mga aparato nga nagsenyas o nagkidlap)," gipahayag ni Marcos sa AO 18.
Gilagdaan ni Executive Secretary Lucas Bersamin ang AO niadtong Marso 25, 2024 ug mo-epekto dayon sa dihang mamantala sa Official Gazette, o sa usa ka mantalaan nga adunay kinatibuk-ang sirkulasyon.
Ang Presidente nag-ingon nga ang dili awtorisado ug dili hustong paggamit sa signaling o flashing device sa mga opisyal ug empleyado sa gobyerno pagadumalahon pinasubay sa mga balaod, lagda ug regulasyon.
Exempted sa AO ang Armed Forces of the Philippines (AFP), National Bureau of Investigation (NBI), Philippine National Police (PNP), fire trucks, hospital ambulances ug uban pang emergency vehicles.
Ang tanan nga mga opisyal ug kawani sa gobyerno gipahinumdoman nga ang paggamit sa mga siren, dome lights, blinker ug uban pang parehas nga mga aparato kinahanglan ra sa ubos sa emerhensya nga mga kahimtang o sitwasyon o aron masiguro ang maayo ug luwas nga pag-agi sa mga emergency responders, base sa AO.
Ang Department of Transportation (DOTr), uban sa ubang mga ahensya sa gobyerno, gimandoan sa pagrepaso, pag-regulate ug pag-evaluate ug pag-update sa kasamtangang mga polisiya ug guidelines aron masiguro ang epektibong pagpatuman sa AO 18, ubos sa kasamtangang mga balaod, lagda ug regulasyon. (ECB/PIA7-Bohol)
