TAGBILARAN CITY, Bohol (PIA) -- Gipahigayon ang pagtugyan sa mga kahimanan nga nagkantidad og P7.8 milyon gikan sa panudlanan sa Kagamhanang Probinsyal ngadto sa Provincial Disaster Risk Reduction and Management Office (PDRRMO) adlaw’ng Lunes, Abril 15.

Atol sa flag raising ceremony, gipangunahan ni Gobernador Erico Aristotle Aumentado ang ceremonial turn-over sa rescue truck, portable water desalination, drone, scuba diving equipment ug uban pang kahimanan alang sa PDRRMO nga gidumala ni PDRRMO head Dr. Anthony R. Damalerio.

Matud pa ni Aumentado nga nakadayeg siya sa seryoso nga pagpadagan sa PDRRMO, mao nga gihatag sa Kagamhanang Probinsyal ang “full support” sa maong buhatan.

Kauban sa gobernador sa maong turn-over, si vice governor Dionisio Victor Balite, board member Aldner Damalerio, provincial administrator Asteria Caberte, provincial legal officer Atty. Handel Lagunay, provincial planning and development office head Atty. John Titus Vistal ug uban sa mga department heads ug pipila sa mga men in uniform. (ECB/PIA7-Bohol)