MANILA, April 16 (PIA) -- Gipasalig ni Presidente Ferdinand R. Marcos, Jr. nga panalipdan ubos sa iyang administrasyon ang kaayohan ug kinabuhi sa mga tigbalita sa iyang pagpamulong sa ika-50 nga anibersaryo nga selebrasyon sa Foreign Correspondents Association of the Philippines (FOCAP) niadtong Lunes.

Sa  iyang pakigpulong, si Presidente Marcos miingon nga ang maong pasalig usa ka kolektibong tumong sa administrasyon, uban sa baruganan nga ang prensa kinahanglang manubag sa mga anaa sa posisyon, dili mopakpak kanila kondili mohatag hinuon og pagdayeg niadtong angayan niini.

Ang hepe ehekutibo mao ang unang presidente sa Pilipinas sulod sa siyam ka tuig nga mitambong sa FOCAP forum samtang ang iyang amahan nga si kanhi presidente Ferdinand E. Marcos Sr. maoy nagsugod sa tradisyon ug maoy unang lider sa Pilipinas nga midawat niini 50 ka tuig na ang milabay.

(The principal role of the press is not to applaud those who govern, but you hold us accountable, without holding back in giving praise to those who deserve it.)

Ang naga-una nga tahas sa prensa dili ang pagpakpak sa mga nagdumala, apan papanubagon ang mga nagdumala, ug wala’y pagpugong sa pagdayeg sa mga angayan niini," pahayag sa Presidente.

(Along with that stance is our collective goal of protecting the welfare and lives of journalists.)

Uban sa maong baruganan mao ang atong kolektibong tumong sa pagpanalipod sa kaayohan ug kinabuhi sa mga peryodista,” dugang pa niini.

Gisubli usab sa Presidente ang pasalig sa administrasyon nga mahatagan og hustisya ang gipamatay nga mga peryodista samtang naa sa trabaho sa ilang halangdon nga katungdanan samtang gipasalig niya sila sa luwas nga palibot alang sa mga media practitioners sa nasud pinaagi sa Presidential Task Force on Media Security.

Matud pa sa Presidente nga pasalig kini sa gobyerno, pinaagi sa Presidential Task Force on Media Security, kanunay nga nag-una sa pagsiguro sa usa ka luwas nga palibot alang sa media practitioners sa nasud.

Sa wala pa matapos ang iyang pakigpulong, si Presidente Marcos mipadayag sa iyang kaandam sa paghatag og prangka nga taho ug pagbayloay og mga ideya sa mga butang nga makaapekto sa Pilipinas samtang siya naglingkod sa usa ka forum uban sa FOCAP. (ECB/PIA7-Bohol)