ILIGAN CITY (PIA) -- Gipahingusgan ang pagpasabot sa Republic Act 11596 kon Prohibition on Child Marriage Law  sa mga katawhan  dinhi ug sa probinsiya sa Lanao del Norte pinaagi sa usa ka forum nga gipanguluhan sa Philippine Commission on Women (PCW) kauban ang Oxfam Pilipinas.

Sumala ni Lawyer Khristine Kay M. Lazarito-Calingin, ang chief Gender and Development specialist sa PCW-North Mindanao Field Office,  importante ang  kolektibong paningkamot sa pagkontra batok sa child marriage.  

“It takes a village to raise a child; need natin ng collaborative efforts hindi lang sa gobyerno, (we need collaborative efforts not only from the government), local leaders, the community we have to work together, to be aware in do something. There is no reason or excuse, child marriage is child abuse. I hope makiisa tayo sa kampanya ( we all unite in the campaign) to end this child marriage,” sumala nya. 

Matod ni Calingin, padayon nga nagtaas ang kaso sa child marriage sa nasud apan kinahanglan nga pahingosgan ang pagpasabot sa balaod niini.

Napirmahan ang balaod niadtong Disyembre 10, 2021, nga nagbawal sa kaminyoon sa mga indibidwal ubos sa 18 anyos ug nagpanalipod kanila gikan sa makadaot nga epekto sa sayo ug pinugos nga kaminyoon ug pagpanalipod sa ilang mga katungod ug kaayohan.

Giawhag ni PCW Officer-in-Charge Lawyer Khay Ann C. Magundayao-Borlado ang tanan sa pag-report sa bisan unsang kaso sa child marriage sa ilang mga komunidad.  

 "Ang PCW sa pakikipagtulungan sa Oxfam Pilipinas at local chief executives dito sa lalawigan ng Lanao del Norte ay nananawagan sa lahat para paigtingin ang kamalayan ng lahat sa batas na prohibtion on child marriage. Kung sino man ang mga nakaalam ng ganitong gawain  ay pwede silang magreport dahil ang batas na ito isang public crime, kahit sino ay pwedeng magreport," sumala niya.

Gipasalig sab ni Mayor Frederick Siao sa Iligan City na  maningkamot sila sa pagpatuman sa balaod sa hustong paagi samtang nagtahod sa kostumbre ug tradisyon sa  tri-people sa syudad - ang   mga Kristiyano, Muslim, ug Higaonon.

Gitambungan ang forum sa lain-laing local leaders, local social welfare officers sa local government units sa Iligan ug Lanao del Norte.

Giimbitahan sab ang solemnizing officials ug Indigenous Peoples leaders gikan sa Lanao del Norte, Bukidnon, ug Misamis Oriental.(LELA,PIA Region 10, Lanao del Norte)