TAGBILARAN CITY, Bohol (PIA) -- Ang Philippine Atmospheric, Geophysical and Astronomical Services Administration (PAGASA) nipagawas og pahayag nga importanteng masayod ang publiko sa heat index sa usa  ka lugar ug sa mga sintomas sa epekto sa lawas sa taas nga heat index.

Kini nunot sa pasidaan nga magpadayon ang taas nga temperatura sa pipila ka bahin sa nasod sa buwan sa Mayo.

Si weather specialist John Manalo nipasidaan nga lakip sa mga sintomas sa epekto sa grabeng kainit mao ang sobrang singot, kakapoy, pagkalipong, hanap nga panan-aw ug kakapoy sa kainit.

Matud pa niya nga gikabalak-an kung moabot kini sa pagsuka tungod kay magkinahanglan kini og dinalian nga medikal nga pagtagad.

Gidugang pa usab ni Manalo nga aduna pa’y pipila nga nawad-an pa og panimuot busa matod niya kinahanglan nga masayod ang publiko sa heat index kon asa sila.

Kini usa lamang ka pahinumdom nga ang mga indeks sa kainit nga 41 °C hangtod 51 °C naa sa "danger category" ug mahimong makasinati og heat cramps ug heat exhaustion.

Samtang, ang mga indeks sa kainit nga 52 °C pataas gikonsiderar nga "extreme danger" ug ang pagkaladlad sa adlaw mahimong mosangpot sa heat stroke.

Niadtong Domingo, Abril 28, ang 53 °C heat index natala sa Zambales , ang labing taas karong tuiga. (ECB/PIA7-Bohol)