CEBU CITY, Cebu (PIA) -- Gipangandaman na sa Department of Social Welfare and Development (DSWD) ang pagpuli sa La Niña phenomenon nga gipaabot na mosulod sa buwan sa Hunyo pinaagi sa pagpangandam sa katalagman ug mga estratehiya sa pagtubag anaa aron makunhuran ang posibleng epekto sa ting-ulan.

Gipadayag ni Asst. Secretary for Disaster Response Management Group (DRMG) Irene Dumlao nga giaprobahan na ang Buong Bansa Handa project nga magtukod og duha ka parallel supply chain mechanism nga maong makapauswag sa kapasidad sa ahensya sa pagtubag sa mga panginahanglanon sa mga pamilya sa nagkalain-laing lugar nga maigo sa kalamidad.

“Ongoing din yung procurement for that dahil nga ang gusto nating mangyari ay mabilis yung pagpapahatid ng tulong kapag dumating na yung tag-ulan,” dugang pa ni Dumlao.

(Nagpadayon usab ang procurement process kay ang gusto nato nga mahitabo mao ang hinabang nga mahatud dayon pag-abot sa ting-ulan.)

Ang unang mekanismo aduna’y national ug local government-driven supply chain nga makapauswag sa mga kapasidad sa produksiyon ug mga proseso sa National Resource Operation Center sa DSWD nga nahimutang sa Pasay City, sa Visayas Disaster Resource Center (VDRC) sa Cebu, ug sa warehouse ug storage facilities sa 16 ka Field Offices sa DSWD. 

Sa ikaduha nga mekanismo, makigtambayayong ang DSWD sa mga sa mga establisado nga dagko ug gagmay nga mga groceries, mga supermarket, mga manufacturer, ug mga distributor aron magamit ang ilang teknikal nga kahanas ug mga kahinguhaan aron makamugna ang usa ka chain supply sa pribadong sektor.

Gimonitor ug gisiguro usab sa ahensya nga aduna’y igong relief supplies sa family food packs (FFPs) ug non-food items (NFIs) nga nahimutang sa tagsa-tagsa nga mga warehouse sa nasud.

Matud pa sa datus sa petsa Abril 29, aduna’y kinatibuk-ang sa 387,124 ka mga FFPs sa 10 ka mga DSWD hubs.

Samtang, aduna usab 602,113 ka mga kahon sa food packs nga gipadala ngadto sa 66 ka spokes ug 545,526 ka FFP sa 849 last mile nga pasilidad sa tibuok nasud.

Gawas pa sa hinabang o relief supplies, si Dumlao miingon usab nga ang nagpahigayon usab ang ahensya og monitoring sa mga evacuation centers aron masiguro nga mahatagan og gikinahanglang interbensyon ang mga evacuees. 

Sa pagkakaron, aduna na’y 18,069 evacuation centers sa tibuok nasud nga maggamit isip temporaryong kasilongan o kapuy-an ang mga evacuees. (JJT/PIA 7)