CEBU CITY, Cebu (PIA) -- Nagpadayon sa subsob nga pagpatuman sa mga mitigating measures ang Regional Task Force on El Niño aron pagtabang sa nagkadaiyang mga local government units sa Central Visayas nga mabatokan ang epekto nga dala sa nagpadayun nga El Niño phenomenon.
Sa gipahigayon nga virtual 6th RTF El Nino Meeting sa Regional Disaster Risk Reduction Management Council 7 (RDRRMC-7) niadtong Mayo 2 nga gitambungan sa mga lead agencies sa key sectors sa maong task force og mga representante sa DRRM offices sa mga probinsya ug syudad, ang mga nag-unang ahensya mihatag sa mga uwahing kalamboan sa ilang mga gipatuman nga mga lakang pagbatok sa grabeng epekto sa El Niño.
Isip pangulo sa health security sector, ang Department of Health (DOH) nagpundo sa mga emergency commodities sa panglawas nga ipang hatag sa higayon nga adunay magkinahanglan ug aron mamentinar ang mga buffer stock nga andam alang sa augmentation, samtang ang ahensya nag apod-apod usab og mga IEC materials pag edukar sa publiko kabahin sa El Niño og mga angay buhaton paglikay sa grabeng kainit.
Sa bahin sa Department of Energy (DOE) isip pangulo sa energy security sector, sila naghatag og nagpatimaan sa mga nagkadaiyang “energy efficiency” tips sama sa paggamit og LED lights, pag-unplug sa mga appliances ug chargers kung wala gigamit, pag gamit og mga energy efficient appliances, paggamit og mga fuel-efficient nga sakyanan, paggamit og mga water pumps ug mga appliances nga energy efficient, pag-edukar sa publiko bahin sa mga benepisyo sa mga teknolohiya ug gawi nga makadaginot sa enerhiya.
Padayun usab ang ang pag-awhag sa ahensya ngadto sa publiko og mga establisyemento nga mosunod og motuman ani mga mga pamaagi aron makadaginot sa enerhiya og kuryente.
Ang Department of Agriculture (DA) nga maoy nangulo sa food security sector, magpahigayon usab ug mga validation ug assessment aron masukod ang mga kadaot og epekto sa mga agricultural areas sa rehiyon, aron ilang masusi ang mga tukmang interbensyon nga nga ilang itunol ngadto sa mga apektadong mag-uuma.
Samtang ang Metro Cebu Water District (MWCD) sa ilang bahin nagpadayun usab sa pagpatuman sa ilang “water distribution management” og pag rasyon ug tubig ngadto sa naapektuhan nga mga lugar.
“The RDRRMC will continue with the monitoring and with our regular meetings in order to harmonize and synchronize our efforts within the region ensuring that the LGUs will get proper guidance and support coming from the member agencies of the regional task force on El Niño," matod ni Engr. Rhafael Luche, ang spokesperson sa RDRRMC7. .
(Ang RDRRMC magpadayon sa pagmonitor ug pinaagi sa atong regular nga mga meetings atong ma harmonize ug madungan ang atong mga paningkamot sulod sa rehiyon pagsiguro nga ang mga LGUs makakuha ug saktong giya ug suporta gikan sa mga miyembro nga ahensya ubos regional task force sa El Niño.)
“We will continue to update our online platforms with regards to our interventions, we encourage our LGus to be active with our meetings so the council/task force can assist you in whatever concerns or inquiries you want to address. To our cluster leads please convene your respective cluster members so we can get the latest updates and developments with regards to our efforts against El Niño," dugang ni Luche.
(Magpadayon kami sa pag-update sa among mga online platforms kalabot sa among mga interbensyon, among gidasig ang mga LGus nga mahimong aktibo sa atong mga meeting aron task force makatabang kaninyu sa inyung panginahanglan. Sa atong mga cluster lead palihog tiguma ang inyong mga cluster members aron makuha nato ang pinakabag-o nga mga updates ug kalambuan kalabot sa atong mga paningkamot batok sa El Niño.)
Ang El Niño Phenomenon nga kasamtangang nasinati magpadayun hangtod sa buwan sa Mayo matod sa uwahing El Niño forecast nga gipaambit sa PAGASA Visayas. (RGC/PIA7 Cebu with reports from RDRRMC7/RTF El Niño)
