SYUDAD SANG ILOILO (PIA6) – Isa ka dugang nga 15 ka panalgan nga pasilidad nga nagabalor sang P3.2 bilyon ang lauman nga pagatukuron sa West Visayas State University Medical Center (WVSU) matapos ang ginhiwat nga groundbreaking ceremony sang Abril 25.

Ginpangunahan ni First Lady Liza Araneta Marcos kag House Speaker Martin Romualdez, kaupod sanday Iloilo City Mayor Jerry P. Treñas, Iloilo City Rep. Julienne Baronda, Iloilo Gov. Arthur Defensor Jr., Rep. Jojo Ang (Uswag Ilonggo Party-list), Rep. Janette Garin (First district of Iloilo), kag iban pa nga mga opisyales sang gobyerno ang nasambit nga programa.

“This facility is poised to become a critical hub for medical training, addressing the growing demand for healthcare professionals equipped to handle future health challenges,” pahayag ni Romualdez.

Sa piyak nga bahin, pormal naman nga gin-inagurahan ang P449 milyon nga Heart and Lung Center sa Western Visayas Medical Center (WVMC) sang Abril 26.

Ginpangunahin ini ni Senator JV Ejercito, Iloilo City lone district Rep. Julienne Baronda, DOH Undersecretary Dr. Gloria Balboa, kaupod sila DOH-6 director Dr. Adriano Suba-an, WVMC chief Dr. Joseph Dean Nicolo, kag iban pa nga opisyales.

Ang pasilidad ang ginakabig nga makabulig gid sa mga pumulyo sang rehiyon, ilabi na sa may mga cardiovascular diseases kag mga nagakinahanglan sang operasyon.

Ginhiwat man ang groundbreaking ceremony para sa Cancer Care Center sang WVMC kadungan sang nasambit nga inagurasyon sang pasilidad. (AAL/JNH/PIA Iloilo)