hay indi eamang ipatuman ro Social Security Law, kundi para mag-edukar man kanda ag mag-imporma sa mga empleyado it andang mga kinamatarong,” dugang nana.
Gin-agtunan it RACE team ro pito ka mga establisyemento sa Kalibo ag gintaw-an it Notice of Violation, nga kung siin ginataw-an ro mga employer it 15 adlaw nga ayuson ro mga uwa nabayran nga mga kontribusyon.
Gin-eksplikar ni Chief Executive Officer II Elmer B. Sendico it Employer Delinquency Monitoring Department it SSS WV Division ag parte man it RACE team nga bago mapaidaeum sa RACE activity ro employer, ro accounts services section it branch hay nagapadaea anay it mga billing sa mga employer ag ginafollow-up dayon. Kung sa pihak it pila ka mga pagpadumdum ag uwa gihapon gin-ayos it employer, saka eon dayon sanda mangin kandidato sa RACE.
“Makara, ro approach it SSS hay abo sa persuasion kaysa sa litigation. Raya hay iba nga approach. Bago kami magfile it kaso, ginaubos anay namon tanan nga pamaagi para makasunod ro employer paagi sa pagkumbisi ag paghikayat nga bayran ag ayuson nanda anda nga obligasyon dahil ro mga empleyado ro mas apektado. Kung uwa gihapon nagsunod ro employer, ruyon ro oras nga maga serbe kami it notice of violation ag dayon mangin basehan namon sa pagpasaka sa korte,” eksplikar ni Sendico.
