SIBULAN, Negros Oriental (PIA) -- Mipadayag og suporta sa gobyerno ang mga kanhing rebelde sa Negros Oriental tungod sa padayong paglambo ilahang kinabuhi pinaagi sa tabang sa kagamhanan.

“Dire sa pag-surrender namo, dire namo nakita ang tanan mga benepisyo, tanan mga programa, tanan amo nadawat ug kana dako kaayo nako na pasalamatan nako," matod ni Alyas Ka Riza, usa ka kanhing rebelde.

Nidugay og lima ka tuig sa Communist-Terrorist-Group – New People’s Army (CTG-NPA) si Riza bag-o siya nakahunahuna og biya sa iyang armas ug nidesisyon na mobalik sa sabakan sa balaod kaniadtong 2022.

Usa si “Riza” sa 14 ka mga kanhing rebelde na nakadawat og hinabang gikan sa kagamhanan pinaagi sa Enhanced Comprehensive Local Integrated Program (ECLIP) sa Department of the Interior and Local Government (DILG).

Nahitabo ang pagapod-apod sa maong hinabang kaniadtong ika-21 sa Marso adto sa buhatan sa Philippine National Police (PNP) – Negros Oriental sa Barangay Agan-an, Sibulan.

Gihatagan sa DILG og tseke na nagkantidad og P65,000 alang sa livelihood assistance sa ECLIP og lain pang tseke nagkantidad og P15,000 isip immediate financial assistance sa kanhing rebelde.

Gawas niini nihatag sab ang Kagamahanan Probinsiyal sa Negros Oriental og lima ka buhing manok bisaya, mga liso sa utanon, usa ka sakong bugas, ug P5,000 dugang financial assistance ang matag Former Rebel (FRs).

Naa sab gihatag na relief packs ang Department of Social Welfare and Development (DSWD) ug dugang pang liso ang Department of Agriculture (DA) ka nila aron makasugod na sila og tanom ug baligya sa mga utanon.

Gipadayag ni Ka Riza na dili na siya magpailad usob sa propaganda sa mga walhong pundok human niya makita kung unsa makatinud-anon ang gobyerno sa panerbisyo.

“Og dili tungod sa gobyerno hangtod karon nagpabilin mi sa kabukiran. Nag-antos mi sa kalisod. Tungod sa mga programa sa gobyerno, nalamdagan ang amo huna-huna. Nalamdagan ang among mga kasing-kasing nga kami mo-surrender para lang mag-usab sa amo kaugalingon nga dili nami magpadala sa ilang propaganda,” matod ni Riza. 

Apil sab sa nakadawat og hinabang si Alyas “Ka Joel,” 32 anyos na laki na 12 ka tuig pod na miyembro sa CTG-NPA. Matod niya, maayo ang pagtagad sa gobyerno kanilang mga FR.

“Maayo ang tabang sa gobyerno hilabi na sa sitwasyon sa mga FR, wala gud sila nagpabaya sa amoa. Naningkamot sila paano kami matabangan,” matod ni Ka Joel.  

Nisaad pod sina DILG provincial director Farah Gentuya ug Negros Oriental Gov. Manuel “Chaco” L. Sagarbarria na dili ra dinhi taman ang pagtabang sa gobyerno sa ilaha ug magpadayon pa ni hangtod sa molambo ang ilang kinabuhi.

“Pagbalik ka ninyo naa moy andam na balay plus titulo kung ganahan mo mokuha didto sa Basay. P60 million (P20 million per year) amo gigahin para gyud makapahimutang og insaktong (programa) ka ninyo. Nangita pa mi og pamaagi para maka-increase pa gud mi sa amo ihatag ninyo,” matod ni Sagarbarria.

“Ang gobyerno dili gyud magpabaya. It does not stop at us giving you the packages. Very committed ang atong gobyerno to help us out, hatagan ta og maayo nga future,” niingon si Gentuya.

Matod pod sa 302nd Infantry Brigade sa Philippine Army, ang mga kanhing rebelde ni-surrender didto sa Guhulngan City mga 116 kilometro gikan sa Dumaguete City na capital city sa Negros Oriental. (RAL/PIA7-Negros Oriental)