SYUDAD SANG ILOLO (PIA6) – Nagpabutyag sang kahandaan ang Iloilo provincial government nga magbakal sang dugang nga bakuna para matapna ang pagtaas sang kaso sang Pertussis ukon whooping cough sa probinsya.

Sa isa ka press conference, ginpahayag ni Provincial Health Office (PHO) chief Dr. Maria Socorro Colmenares-Quiñon  nga may ara pentavalent vaccines ang probinsya kung sa diin ini ang parte sa regular immunization program sang IPHO nga nagahatag proteksyon kontra sa mga sakit nga Diphtheria, Tetanus, Hepatitis B, Hib kag Pertussis.

"We have a buffer stock of around 14,000 vaccine doses as of the moment and that could last until May as this is part of the routine immunization in the community. However, we asked for extra in case of outbreak response,” pahayag ni Quinon.

ang routine immunization para maganyat ang mga ginikanan nga pabakunahan ang ila kabataan bangud isa man sa mga rason sa manubo nga vaccination rate amu ang pagpangduwa-duwa sang mga ginikanan.

Ginpahayag man ni Defesor ang importansya sang pag-monitor sang kapasidad sang mga rural health unit (RHU) kag ang padayon nga pagbakuna, kapin pa nga pwede man makakuha sang pondo ang probinsya halin sa local disaster risk reduction management funds para ibakal sang dugang pa nga bakuna.

Siling pa sang gobernadora nga nakadepende sa mga kabanwahanan ang pagdeklarar sang state of calamity bangud man sa ginasunod nga pagsulundad parehos sang sang kung may ara na clustering of cases sa mga barangay.

Sa datos sang Department of Health (DOH)-6 sang Abril 1, may ara na sang 48 ka kaso sang Pertussis sa Iloilo, kung sa diin 12 diri ang laboratory confirmed, 20 naman ang probable, 16 ang negatibo, kag lima ang patay. (AAL/JNH/PIA Iloilo)