TAGBILARAN CITY, Bohol (PIA) -- Gipahibalo sa Philippine Statistics Authority (PSA) nga nagsugod na ang pagparehistro sa Philippine Identification System (PhilSys)-Bohol sa mga batang Pilipino nga nag-edad usa hangtod upat ka tuig.

Kabahin kini sa padayon nga pagpaningkamot sa PSA nga marehistro ang mas daghang Filipino sa PhilSys, lakip ang mga menor de edad.

Mahimong magparehistro sa Fixed Registration Center sa PSA-Bohol nga nahimutang sa 2nd Floor sa Galleria Luisa Building dalan Gallares ning syudad diin bukas sila gikan adlaw’ng Lunes hangtod Sabado sa alas 9:00 sa buntag taman alas 6:00 sa gabii.

Naa usab sa atubangan sa PSA Bohol Provincial Statistics Office nga nahimutang sa 3rd Floor sa Galleria Luisa Building dalan Gallares ning syudad diin bukas sila gikan sa adlaw’ng Lunes hangtod Biyernes gikan alas 9:00 sa buntag taman alas 5 sa hapon.

Ug mahimo usab magpa-rehistro sa ilang PSA CRS Serbilis Outlet nga nahimutang sa 2nd Floor Uptown IT Hub, JLU Centre Bloc, Rajah Sikatuna Avenue, Barangay Dao ning syudad diin bukas sila gikan adlaw’ng Lunes taman Biyernes gikan alas 9:00 sa buntag taman alas 5:00 sa hapon.

Aron marehistro ang usa ka bata nga 1 hangtod 4 ka tuig ang edad, kinahanglan nga naa ang ginikanan o guardian nga rehistrado na sa PhilSys.

Ang PhilSys Number (PSN) o permanent identification number sa bata nga mamugna i-link sa kauban nga ginikanan o guardian.

Kinahanglan usab nga i-presentar ang pagsuporta sa mga dokumento aron ma-validate ang impormasyon sa demograpiko sa bata. Ang bisan unsa sa mosunod nga pagsuporta nga mga dokumento mahimong i-presentar: (1) Certificate of Live Birth nga gi-isyu sa PSA o sa Local Civil Registry Office (LCRO); (2) Report of Birth nga gi-isyu sa PSA o Philippine Foreign Service Post (PFSP); (3) Certificate of Foundling nga gi-isyu sa PSA; (4) Certificate of Foundling or Certificate of Live Birth or Persons with No Known Parent/s issued by the PSA; (5) Municipal Form No. 102; (6) Philippine Passport o ePassport nga gi-isyu sa Department of Foreign Affairs (DFA); o (7) bisan unsang dokumento nga nagpakita sa tibuok nga ngalan sa bata, petsa ug dapit nga natawhan, ang tibuok nga ngalan sa inahan, ug ang tibuok nga ngalan sa amahan, kon gi-ila. (ECB/PIA7-Bohol)