MANILA, April 24 (PIA) -- Ang Malacañang niadtong Martes mipahimangno sa publiko batok sa usa ka video content sa social media nga gimaniobra gamit ang deepfake nga teknolohiya aron makita nga daw si Presidente Ferdinand R. Marcos Jr. ang nagmando sa militar sa paglihok batok sa usa ka partikular nga nasud.

Sa usa ka pahayag, ang Presidential Communications Office (PCO) nanghimakak sa pag-angkon sa gimaniobra nga sulod sa naglibot sa usa ka popular nga video streaming platform.

“The audio deepfake attempts to make it appear as if the President has directed our Armed Forces of the Philippines (AFP) to act against a particular foreign country

Ang audio deepfake misulay sa pagpakita niini nga daw ang Presidente nagmando sa atong Armed Forces of the Philippines (AFP) nga molihok batok sa usa ka partikular nga langyaw nga nasud,” pahayag sa PCO.

Matud pa sa PCO nga walay ingon nga direktiba nga gipagawas o nahimo.

Ang Deepfakes usa ka advanced nga porma sa digital content manipulation pinaagi sa paggamit sa generative Artificial Intelligence (AI).

Sa pagkutlo sa Media and Information Literacy Campaign, ang PCO nag-ingon nga kini aktibo nga nagtrabaho sa mga lakang aron mabatukan ang fake news, misinformation, disinformation, ug malinformation.

Gidugang niini nga hugot nga nakig-coordinate ug nakigtambayayong kini sa mga may kalabotan nga ahensya sa gobyerno ug mga kasosyo sa pribadong sektor aron matubag ang pagdaghan ug malisyoso nga paggamit sa video ug audio deepfakes ug uban pang generative AI content.

Gi-awhag usab niini ang publiko nga mosalmot sa pakigbatok sa fake news ug mahimong responsableng social media users. (ECB/PIA7-Bohol)