Suno kay Mayor Gorriceta ang turnover tanda sang madinalag-on nga pagkumpleto sang estrikto nga proseso sang pagkolekta sang datos nga importante sa pagsabat sang mga concern sang munisipyo sang Pavia kag magabulig sa pagbalay sang mga palaabuton nga plano.

Gindayaw man sini ang tanan nga mga enumerator nga nangin kabahin sang hilikuton sa ila pagpanikasog, pagpaninguha kag dediskasyon nga mapat-ud ang masaligan nga datos.

Kabilugan nga 18 ka mga barangay sa Pavia ang sakop sang CBMS operation nga may 17,492 ka mga nagsabat nga puluy-an kag kabilugan nga 68,073 ka mga indibidwal.

Samtang ginkilala naman ni Mayor Superficial ang malahalon nga kontribusyon sang natipon nga mga impormasyon padulong sa holistic development sang Sta. Barbara bilang progresibo nga munisipalidad.

Ang CBMS operation nagsakop sang kapin 61,778 ka mga indibidwal sa 16,027 ka mga panimalay nga nagpasakop sa survey sa 60 tanan ka mga barangay sa munisipyo.

Magluwas sa Pavia kag Sta. Barbara, ginturn over man sang PSA Iloilo ang 2022 CBMS Data sa 6 ka mga lokal nga panguluhan sa probinsya nga ginalakipan sang Bingawan, Batad, San Rafael, Mina, Tubungan kag Guimbal.

Nagapadayon naman sa karon ang 2023 CBMS sa mga kabanwahanan sang Alimodian kag San Enrique. (AAL/LAF/PIA6-Iloilo/ PSAIloilo)