Basi sa assessment sang CDRMMO, madamo na sang mga bubon sa syudad ang nagkalahubas bangud sang El Niño nga nagresulta naman sa water shortage.
Sa datos sang CDRRMC, ara na sa masobra 23,000 na ka mga indibidwal ang apektado sang water shortage kung sa diin pinakaapektado ang 25 ka mga barangay halin sa mga distrito sang City Proper, Arevalo, kag Mandurriao.
Ginatan-aw man sang CDRRMC nga pwede pa maglab-ot sa masobra 46,000 ka residente sa syudad ang maapektuhan sang kakulangan sang tubig sa mga masunod nga duha tubtob tatlo ka bulan.
Magahatag naman ang city government sang 600 cubic meters ka tubig kada adlaw sa mga pumuluyo nga apektado sang nasambit nga problema.
