TUBOD, Lanao del Norte (PIA) -- Nakadawat ang 1,200 nga estudyante gikan sa lain-laing eskwelahan sa probinsiya og tig-P5,000 nga cash assistance pinaagi sa Assistance to Individuals in Crisis Situation (AICS) program sa Department of Social Welfare and Development (DSWD) ug sa suporta sa opisina ni Senator Imee Marcos.
Nanghinaot si Marcos nga makatabang ang cash assistance sa mga estudyante alang sa ilang gastuonon sa pasahe, pagkaon og uban pa.
"Sana makatulong kahit papano, makatabang sa inyong pagtatapos, simple lang ang atong paglaom nga sa bawat pamilya na makapagtapos kayo at sana tunay nga naa ng bawat isa ay makahanap ng trabaho at makatulong sa pamilya," sumala niya.
Mapasalamaton si Ma. Elchee Mae Barliso, usa ka 4th-year college student sa Christ the King College de Maranding, Inc. sa maong hinabang.
“As a student, dako sya katabang especially sa mga tuition, makaless sa gasto sa parents,” sumala niya.
Ang AICS program nagtumong sa paghatag og assistance lakip na ang medical, funeral, educational, transportation, food ug cash. (LELA, PIA Region 10 -Lanao del Norte)