TUBOD, Lanao del Norte (PIA) -- Sobra 5,000 nga mga lokal nga opisyal gikan sa 462 ka mga barangay sa probinsya ang mitambong  sa ika-12 nga Provincial Barangay Congress niadtong Abril 25.

Tumong sa congress nga pasidunggan ang mga paningkamot sa mga barangay officials aron mamaintenar ang kalinaw ug kahusay sa probinsya. 

Gitambongan kini ni Senator Imee Marcos ug Senator Bong Go.

“Barangay is the basic unit in our country. In barangay, we are the first line of defense in addressing the concern of our constituents.  \Barangay officials are frontliners  of barangay service. Kayo ang mukha ng gobyerno sa bawat barangay,” sumala ni Marcos.

Samtang si Go gipasiugda ang iyang legislative agenda, ang Senate Bill No. 197, o ang Magna Carta para sa mga Barangay, nga nagtumong nga maghatag og saktong suporta sa mga opisyal sa barangay, lakip na ang sweldo ug allowances. Dugang pa niya, iyang giduso ang Senate Bill No. 427, o ang Barangay Health Workers Act,  nga nagtumong sa paghatag og binuwan nga honorarium ug komprehensibong benepisyo alang sa mga Barangay Health Workers.

“Parati kong ipaglalaban ang barangay captains, kagawad. Naiintindihan ko ang trabaho ninyong  barangay officials kasi kayo ang nasa sa frontline,” sumala niya. 

Gi-awhag sab ni Gov. Imelda “Angging” Quibranza Dimaporo ang tanan nga magpadayon sa panaghiusa aron mapahingusgan ang kalinaw ug kahusay sa probinsiya. 

“Ako mag hinaot nga magpadayon gihapon atong pagtinabangay, kay kini dili lang para kanato,  kung dili alang kini sa kaugmaon sa atong mga kabatan-onan ug kaapohan nga umaabot. Let’s be united always for development and peace in our beloved province,” sumala niya. 

Gipasidunggan sa Department of the Interior and Local Government - Lanao del Norte ang mga paningkamot sa mga local government units ug barangay  alang sa paghimo sa ilang barangay nga  drug-free ug drug cleared.  Apil ab sa mga award mao ang Lupong Tagapamayapa Incentives  ug eal of Good Local Governance for Barangay.

Naghatag sab ang Liga ng mga Barangay og mga laptop ug portable speakers aron suportahan ang mga kalihokan sa barangay pinaagi sa raffle draw. (LELA, PIA Region 10 -Lanao del Norte)