Subongman ang bag-o nga presyohanay sa pagdalawat sang NFA nga palay ang kaangut sa bag-o ginapatuman nga Price Range Scheme nga may "flexibility" sa pagpamakal sang palay para malab-ot ang "competitive level" agud malab-ot man sang gobyerno ang target nga kadamuon sang madalawat nga palay.

Gindugang pa ni Gemarino nga ang NFA ang magapatigayon sang adjustment sa presyo sang pagpamakal sang palay tagsa ka semana base sa pag-monitor kag survey sang mga empleyado sang ahensya nga mangin pamaagi agud makapagwa sang rekomendasyon sa competitive price sang tagsa ka kilo sang palay sa nasambit nga semana. 

Ang mga interesado nga mga mangunguma sarang nila madala ang ila ipadalawat nga palay sa mga bodega sang NFA nga nahamtang sa Brgy. Bolo, Roxas City; Brgy. Santa Cruz sa banwa sang Dumalag; Brgy. Mangoso sa banwa sang Sigma; kag Aklan Grains Center sa Brgy. Linabuan sa banwa sang Batan sa probinsya sang Aklan. (AGP/AAL/PIA Capiz)