No. of :

No. of Shares:

Currently viewed by: Marcus Rosit

  1. Home
  2. News
  3. Tax campaign kang BIR gin-umpisahan ron

Tax campaign kang BIR gin-umpisahan ron

Write a comment

Delete

SAN JOSE, Antique (PIA) -- Pormal ron nga ginumpisahan kang Bureau of Internal Revenue (BIR) District No. 73 ang tuigan nga tax campaign sa dya nga probinsya. 

Sa ginhiwat nga District Tax Campaign Kick-off 2024, ginhingyo kang BIR ang suporta kang publiko sa pagbayad kang insakto nga buwis nga ginagamit kang gobyerno sa pagpamayad kang kabuhi kang mga Pilipino.

Delete

Dya nasandig sa tema nga “Sa Tamang Buwis, Pag-asenso’y Mabilis” nga tuyo ipaalinton sa taxpayers ang bahul nga papel kang andang buwis sa pagbuhat kang mga programa kag proyekto sa mga komunidad padulong sa pag-ugwad kang pungsod.

Sa mensahe ni Presidente Ferdinand "Bongbong" Marcos Jr., ana gintugruan importansya ang pagbayad kang buwis kag pagburuligay padulong sa sangka Bagong Pilipinas.

Isara sa highlights kang BIR Tax Campaign Kick Off amo ang Awarding of the Top Compliant Taxpayers kung sa diin nakabaton kang pagkilala ang Provincial Government of Antique, Department of Education (DepEd) kag Department of Public Works and 

EditDelete
Ginkilala bilang top compliant tax payers ang pira ka mga indibidwal, korporasyon, kag opisina kang gobyerno sa ginhiwat nga 2024 BIR Tax Campaign Kick-Off kang nagligad gid lamang. (Photo: Province of Antique)
Delete

Highways (DPWH) sa kategorya nga Top 3 National Government Agencies (NGA)/Local Government Units (LGU) Taxpayers.

Personal nga ginbaton ni Gov. Rhodora J. Cadiao ang Plaque of Recognition kang gobyerno probinsyal halin sa mga opisyal kang BIR nga ginalakipan nanday Revenue District Officer Eralen B. De Aro kag Revenue Region 11 Director Joseph M. Catapia.

Ang iban pa sa mga ginapasidunggan amo sanday Chito R. Posecion, Mary Ann N. Licanda, Francis Joel P. Dela Cruz para sa Top 3 Individual Tax Payers category kag Esprutingkle Food Corporation, Esprutingkle Retail Stores Corporation, kag Antique Electric Cooperative (ANTECO) para sa Top 3 Non-Individual Tax Payers category.

EditDelete
Liwan nga nagpanumpa ang mga katapo kang gobyerno kag mga pribado nga indibidwal para sa pagbayad kang buwis sa insakto nga oras kag kantidad. (Photo: Province of Antique)
Delete

Ginpangunahan man ni Cadiao ang Pledge of Commitment, kaimaw ang mga tiglawas kang nanari-sari nga opisina kag ahensya kang gobyerno para ipabutyag ang importansya kang pagbayad kang buwis sa insakto nga oras kag kantidad.

Ginakabig ang buwis nga “lifeblood” kang pungsod bangud dya amo ang nagapahulag sa gobyerno paagi sa mga programa kag serbisyo nga ginatugro sa publiko.

Nagpakita man kang suporta sa dyang lihuk kang BIR si Cong. Antonio Legarda, Jr. kag iban pa nga opisyales kang probinsya. (AGP/BPS/PIA Antique)

About the Author

Bernard Ceasar Susbilla

Information Officer

Region 6

Electronics Engineer/Writer

Related News

Feedback / Comment

Get in touch