No. of :

No. of Shares:

Currently viewed by: Marcus Rosit

  1. Home
  2. News
  3. Tiringbanay Festival ginselebrar sa Antique

Tiringbanay Festival ginselebrar sa Antique

Write a comment

Delete

SAN JOSE, Antique (PIA) -- Ginselebrar sa banwa kang San Jose de Buenavista ang Tiringbanay Festival halin Abril 29 tubtob Mayo 1, 2024.

Ang dyang tuigan nga aktibidad nagatugro kahigayunan sa mga lokal nga magtipon-tipon, magsinadya, kag magselebrar kang kapistahan kang andang patron nga si San Jose de Obrero.

Hambal ni Darcy Bungay, festival coordinator kag hepe kang Municipal Economic Enterprise Development Office (MEEDO), ang Tiringbanay kadya nga tuig gintugruan igtalopangod ang pagkamalipayon kag paghiriugyon kang mga San Josenhon, sandig sa tema nga “Tiringbanay sa Kalipay, Tiringbanay sa Pagbinuligay.”

Delete

Dugang pa ni Bungay, agud masiguro ang kalinong kag kahilway kang publiko sa tunga kang selebrasyon, nagtukod kang Emergency Operations Center (EOC) ang mga katapo kang kapulisan, Municipal Disaster Risk Reduction and Management Office (MDRRMO), kag Provincial Health Office (PHO).

Sa anang parte, ginsiguro ni Mayor Elmer Untaran nga sa paghiwat kang Tiringbanay tugruan kang importansya ang mga obrero, ilabi ron ang mga mangunguma kag manugpangisda nga may bahul nga papel sa komunidad.

Gani, kapin 20 ka mga grupo kang mga mangunguma kag 16 ka mga grupo kang manugpangisda ang nakigbahin sa sangka exhibit sa Evelio B. Javier (EBJ) Freedom Park para magbaligya kang andang mga produkto.

EditDelete
Ginbuksan nanday San Jose town Mayor Elmer C. Untaran (center left) kag Vice Mayor Justin Encarnacion (center right) ang Tiringbanay Food Festival 2024 sa Evelio B. Javier (EBJ) Freedom Park sa banwa kang San Jose de Buenavista, Abril 19. (Photo: Municipality of San Jose de Buenavista)
Delete

Pira sa mga highlights kang Tiringbanay Festival 2024 amo ang mga aktibidad nga ginhiwat kang Abril 29, Grand Parade halin sa Robinsons Antique paagto sa EBJ Freedom Park kag Lin-ay kang San Jose de Buenavista (Miss San Jose de Buenavista) Coronation Night; kang April 30, sangka cultural dance competition kag Lucid Night 2.0: Neon Glow rave party; kag, kang Mayo 1, Tiringbanay Jobs Fair sa Robinsons Antique, Sadsad Sinadya sa Karsada street dancing, kag fireworks display.

Halin Abril 19, may pira duman ka mga aktibidad kaangay kang Tiringbanay Food Fest, Abre-Siete Night Market, Tiripunan Food Kiosk, and different sporting events.

Nag-alokar ang lokal nga pangulohan kang San Jose de Buenavista kang kapin P5.7 milyones para sa pag-selebrar kang Tiringbanay 2024. (AGP/KJRP/BPS/PIA Antique)

About the Author

Bernard Ceasar Susbilla

Information Officer

Region 6

Electronics Engineer/Writer

Related News

Feedback / Comment

Get in touch